11.24.2008

بلاد الخوف..!!






*ابعديني
عن بلاد الخوف قوي
احضنيني....وابعديني
عن سنين مليانه هجرحزين قوي
قربيني
من عيونِك فرحتي
وامسحي منها الدموع
واسأليني
عن حياتي في غربتي
مليانه قسوة ملونه
وهموم وجرح ودمعتين
دمعة الم
دمعة شجن
ودموع كتير مترغرغين
متجرحين
ولا لاقي مرسي لوحدتي
غير ضمتِك
رغم ان شوقي بيوجعِك
رغم إن صمتي معذبِك
رغم الأنين
بأرجع بحزني لوحدتِك
وأشتاق قوي

**( وسط الحروف
حسيت كلامي بيوجعَك
ولعب خيالي لعبه حايره
وتهت انا
وبيبان خيالي اتشكلت
رسمت كلام
بأحلم في صمتي إني اسمعه
من بين شفايفَك
وللا اوراقَك وصبرَك ع الحروف)
* وفـ قلب صمتِك بألتقي
ببيوت ورق
هشّه قوي
بسهولة تتكسر قوي
وناديت عيونِك غربتي
وناديت بصمتي ودمعتي
"دوبي فيا...دوبيني
بيعي قلبِك واشتريني
وابعديني عن بلاد الخوف قوي"

9 التعليقات:

Teawater يقول...

ماشاء الله ايه الاحساس الرائع ده طابع الحزن لديكي صنع وتيره من الابداع الرائع احييكي ولا تغيبي عنا بابداعاتك

دمتي في امان الله

غير معرف يقول...

روعة ياريم
روعة تجنن
انا بقيت مش عارفة اكتب لك حاجة
انت موهبتك بتضيع مني الكلام


سلام كبير من اجل عينيك
بطوط

ناعومى يقول...

كل سنه وانتى طيبه ياقمريتى

اقصوصه يقول...

كل عام وانتم بخير :)

نـــــور يقول...

السلام عليكم
ازيك ياجميله
انا عارفه انى اتأخرت علكى فى الزياره بس اسمك معلق معايا من اول مره دخلتى فيها مدونتى لانى حسيتك عسوله

كل سنه وانتى طيبه ولو انها متأخره
كلماتك رقيقه اوى ماشاء الله بس احلى حاجه عجبتنى ان كركباتك شتويه لان الشتا رغم البرد هو احساس الدفا كله

مبسوطه انى دخلت بلوجك :)

ســمـــر احمد يقول...

تحية الى جمال الاحساس و الكلمات

Dr Ahmed Said@Black Armor يقول...

بجد روعة وزعلان انى شفتها متأخر لان واضح انك بعتاها من زمان
وده معناه كمان انك غايبة بقالك فترة لعل المانع خير
مش لازم الكلمات الجميلة والاحساس العالى ده يغيب عننا كتير
دمتى مبدعة

غير معرف يقول...

نهاية العالم المتوقعة
أحاديث وجدل وكثير عن نهاية العالم التي اقتربت
صراعات ما بين الوهم والحقائق.. ولا أحد يملك التفسير الحقيقي
الكاتب الشاب ـ(مصطفى يحيى)ـ يجيب عن التساؤل
هل هي حقا نهاية العالم
كتاب رائع مثير
كتاب يبحر بك في عالم خاص من المتعة مع صاحب الأسلوب الرائع مصطفى يحيى.. كتاب يستحق القراءة بكل صدق
ـ (( حكاية الفناء القادم )) ـ
من أروع ما يمكن أن تقرأ من تفسيرات لنهاية العالم

ـ (( حكاية الفناء القادم )) ـ

كتاب لابد من أن تقرأه

للتحميل

http://www.dar-rewaya.com/vb/showthread.php?p=2178#post2178

الصفحة الرئيسية
http://www.dar-rewaya.com/

رواية للنشر الإلكتروني
ويبقى هدفنا دوما الإبداع بلا قيود .... وبلا حدوووووووود

Unknown يقول...


thx

كشف تسربات المياة
غسيل خزانات
شركة نظافة عامة