عَشَم الموت..!!

وعيش بَعدي
صحيح تقدر تعيش بَعدي..!!
وماتخافشي
أنا نسيتك خلاص طبعا
ومش كارهاك
لكن بأحلف كمان وبأقول
مانيش بأهواك
ماتقلقشي
خلاص قلبي صبح منك
سحابه جليد
لا عارف فرق بين إحساس
ولا إخلاص..ولا تحديد
ماتحلمشي
في يوم ارجع واقول عاشقاك
ويوم ما تجيلي مش حأصرخ
وأقول بايعاك
ماهيش فارقه
لعلمك يعني..مش فارقه
تكون موجود...وماتكونشي
حيحصل ايه..؟؟
خسرت انت..؟؟
اكيد طبعا..خسرت كتير
ماتزعلشي
وأنا برضه اللي اكون اقوي
عشان كات قوتي فـ صمتي
وكان ضعفك..كلام كداب
ومايهونشي
اكون مظلومه يوم منك
وبكره تجيلي أكون شارياك
ما تحلفشي
مسبتش جوا في حياتي
ولا تأثير
لكن سبت فـ. جدار قلبي
اكيد تغيير
صبح واعي
وكان بالأمس طفل غرير
وخربوشة..
بتضحك لما حد يقول بأحبك موت
اكيد برضه ماهوش صادق
تمام زيك
ماتكدبشي
خلاص قلبي اكتفي منك
د. مال في البعد ولا رديت
وجاي دلوقتي لِيه تنده..؟؟
ما تعشمشي
لـَ عشم الموت يقول لبيت