مفيش فكره

حأموت وأكتب
وابص لقلمي يسألني
* حنكتب ايه..؟؟
+ مفيش فكره
خلاص مات الكلام عندي
ومش فاكره

حأقول عن إيه..؟؟
عن الحب اللي راح وخلاص
عن الناس اللي جوا قلوبها
مات إحساس
عن القلب اللي كان خاين
وعن قلبي اللي داب إخلاص
ما راح وخلاص

وحأكتب إيه..؟؟
عن القلب اللي بعته رخيص
وعن قلبك ده كان واطي
ونبضه خسيس
وعن حب اتولد بيننا
بدون احاسيس
د. شئ عادي
وراح وخلاص

وحأكتب إيه..؟؟
مفيش جوايا ليك ذكري
تحنن قلبي بكره عليك
ولا كلمه تخللي دموعي
تشفع ليك

كفايه دموع
مانيش ناويه اعيد تاني الشريط واسمع
واقيد في شموع
وأكرر تاني مآساتي بصوت مسموع

وأقول عن إيه..؟؟
وإيه حيفيدني بيه القول؟؟
فهم قلبي خلاص إنك
مش ابن اصول

*حنكتب إيه..؟؟
+ خلاص مات الكلام عندي
ومفيش فكره
ومآساتي انتهت عندك
ومش فاكره

********************

عاوزه بس اقول ان ده تهييس الساعه 3 الصبح كده وللا حاجه....يعني محدش يركز......!!!!!!!!!!!!!!!!!!!