أكيد طبعا مانيش راجعه
ولو جنّه..
يا سيدي جنتك خدها وسيبنا نعيش
ناعومي سيبي الوانك
وسيبي القصر للحكّام
وسيبي الغدر للأندال
وعيشي تاني أحلامك
وماترديش
ماتستاهليش ولا استاهل
وماتعانديش
خلاص تاني حنخسر إيه..؟؟
فماتدقيش
مانيش راجعه
وإيه يعني بأدوب في عينيك
وإيه يعني مانيش حأقدر اعيش بعدك
ولا اتحمل الم بُعدك؟؟
خلاص انسي
دي كات ايام هَنا وماتت
وانا عايشه
حياتي اترتبت تاني
ودايبه في ضل احلامي اللي مش طايشه
ومجنونه يجوز ..
مش عيب
جنون بجنون
وإيه يعني تخون..؟؟
ما تخون..
بسيطه.. قلوبنا لما تهون
لكن من تاني قلبي يقوم
ولا بيندم
ولا حأندم
مادام قلبي يهون..حتهون
مانيش راجعه
وإيه يعني..؟؟
يا سيدي جنّتك خدها
حكايتي معاك كانت آيه
لناس يتعلموا منها
حكاية الكدب اولها
ولون الغدر لونها
ودمي وسال ماهوش اخر
ندم عمرك حيختمها
ومش راجعه
4 التعليقات:
جميلة ياريم ورقيقة
كلها احزان
انت اخدت العدوى من ناعومي
لازم تتطعمي يا اومي
هههههههههههههههههههههههههههه
ريم حياتى
روحى روحى روحى
الاندال والعالم اللى بالى بالك
اللى عايشين بميه وش ووش
واللى الكدب فى حياتهم هو الح قيقه والحقيقه هى الكدب
الناس اللى متستاهلش اصلا لحظه وجع بسببهم
الناس اللى خساره الواحد اصلا يقول مسامحهم
لانهم لا يستحقو اصلا اى مسامحه
ا لناس دى ساينتى
ليهم ميزه واحده بس
انهم بيعر فونا اللون الاسود
طعمه ايه
ريييييييييييييييم
رفيقه الكفاح والضحك وشويه عمر راح مع شويه ..............
الرد بتاعك اجمل من الرد بتاعى على فكره بقى
ههههههههههههههههههه
ربنا يوفقك يارب ويفرح قلبك
بطوووووووووط....
انتي فهمتي غلط....
الفيروس ده انتقل مني لناعومي....
بس ان شاء الله حنقضي عليه بأنتي فيروس 6 سلندر قريب.......
بس انتي قولي يا رب
نوعنااااااااااااااااااعه...
نعمه كآبه.....روحي روحي روحي وقلبي من جوه....
هو من امتي ان شاء الله اللون الأسود له طعم......؟؟
ده بيتشاف بس مش بيتاكل....
وأنا اقول مش راضيه تاكلي البيتزا ليه.....؟؟
اتاريكي كنتي ضاربه حلتين سواد قبلها..
روحي يا نع نع.....ربنا يخليني ليكي.....
إرسال تعليق